منتدى الفرح المسيحى - كلمات قالها الله لابونا ابراهيم

https://upload.chjoy.com/uploads/163872362065731.jpg

الكلمات دي الله قالها
لأبونا ابراهيم وهو عنده 99 سنة..
وكنت دايماً استغرب لما اقراها..
إزاي الله يقول لإنسان: امشي قدامي؟
مش المفروض يقول له اتبعني أو امشي ورايا؟
اللي أنا فاهمه وعارفه إن الإنسان
بيحتاج يمشي وهو شايف ربنا قدامه..
لكن الحقيقة الله هنا عاوز ابراهيم
يمشي قدامه لهدف مهم..
الله عاوز يطمنه إنه هيكون واقف في ضهره
وسانده وهو ماشي..
وبيقول له إنه هو الله القدير،
يعني مفيش حاجة تقدر تقف قدامه...
لكن كمان في مسؤولية على إبراهيم..
إنه يعيش حياته بطهارة ويسلك فيها بتقوى..
اللي بيطمنا في حياتنا إن الله ماشي معانا وبيسندنا
لكنه كمان عاوزنا نعيشها معاه
بقداسة وبر كل أيام حياتنا.