منتدى الفرح المسيحى - وحده يصنع اليوم الجديد

https://upload.chjoy.com/uploads/16386409685121.jpg

دايماً فكرة "الجديد" فكرة ليها رونقها ..
نهاية للقديم بعد مااستخلصنا اللي يفيدنا منه ..
نهاية للقديم بكل لغبطته .. وبداية لصفحة بيضا فاضية نرسمها من غير الغلطات اللي فاتت ..
شغل جديد .. سكن جديد .. مجتمع جديد .. علاقة جديدة ..
حتي "يوم" جديد ..
ومع كل يوم جديد بيملا ذهني الصورة البيضا الفاضية
اللي عاوز أركز وأنا بارسم يومي فيها ..
هارسمه ببساطة وهدوء لحاجات صعبة في يومي ..
هارسمه بطاقة مختلفة للي طاقتي خلصت عنده امبارح ..
هارسمه بإصرار إني أنجح في اللي معرفتش أعمله امبارح ..
هارسمه بحب للناس اللي هاقابلهم .. اللي شايفنني حلو وكمان اللي شايفني "مش ولابد" ..
هارسمه بسندة وتشجيع لكل "محتاج" هاقابله في يومي ..
هارسمه بنعمته إني شخص أفضل من نسختي بتاعت امبارح ..
والأهم هارسمه وأنا ماسك ايده .. وقلبي موصول بيه اليوم كله ..
ومصدق إنه"وحده يصنع اليوم الجديد" أجمل وأجمل وأجمل ..