منتدى الفرح المسيحى - حول وجعك لثمر

https://upload.chjoy.com/uploads/163860294074821.jpg

" الحاجة اللي اتحرمت منها اديها بفيض"

• لو اتأذيت في طفولتك ، حاول تساعد أطفال كتير
انهم يطلعوا مشفيين و أصحاء نفسيا .

• لو مقدرتش ترتبط في الماضي بسبب فقر مادي ، حاول تساعد شباب كتير انهم يرتبطوا وميكونش فقرهم المادي عائق .

• لو فشلت في مشروع عمل او دراسة ، حاول توعي اكبر عدد ممكن بالاسباب اللي خلتك تفشل علشان يتجنبوها .

• لو اتعرضت من صغرك لتعصب و عنصرية شديدة ،
حاول تنشر مبادئ السلام وقبول الاخر في مجتمعك .

• لو ماكنتش لاقي وظيفة في الماضي وعانيت لحد ما اتوظفت ، حاول تساعد شباب انهم يلاقوا وظيفة .

• لو قابلتك مشاكل وخلافات صعبة في زواجك ، روح لشباب كتير مقبلين علي الزواج و وعيهم لاهم الاسباب اللي خلقت المشاكل والخلافات دي .

• لو مالقتش حد يساعدك و يقف جنبك ماديا او معنويا ، أقف انت جنب ناس كتير .

•• باختصار : اللي كان نفسك يتم معاك اعمله انت مع الناس ،
و كأنك بترد لنفسك الحاجة اللي انت اتحرمت منها ، ولما بتعمل كدة انت بتسير علي درب السيد المسيح و بتخلق جواك طاقة شفاء و سلام و بركة ، و بتتشفي من كل حاجة كانت ممكن تسبب لك عقد او كلاكيع نفسية عن طريق انك بتستغلها بإيجابية شديدة .

سهل اني اقعد انا وانت نرثي حالنا ..
عندي حاجات كتير اتحرمت منها او اتاذيت فيها
واكيد انت كمان إتأذيت في مناطق كتير بحياتك
لكن الطريق الصح اللي ربنا عايزنا نمشي فيه
اننا نحول الوجع لثمر .