https://upload.chjoy.com/uploads/163831021285661.jpg

في الضيق وسط الخوف بقعد و دموعي معايا
تنزل تسأل في الم .. هو انت صحيح ويايا ؟
طب ليه لما انا بصرخ مش بسمع صوتك جنبي ؟
ليه دايما تقصد تتخبي و تسيبني يارب لوحدي ؟

هو انا فعلا وحدي و الا دموعي عمتني
عن اني اشوفك جنبي و ايدك بتسندني
و الا انت يارب عايز تتأكد من ايماني
عايز تشوفني هضعف و الا هشك و هعاني

طب اعمل ايه في ضعفي غير اني اجيلك بيه
و استني انك تاخدني في حضنك و اجري عليه
اعترف اني خاطي و اطلب خلاص و رحمة
تطمن قلبي بوجودك و تكسيني نعمة

يَا رَبُّ لِمَاذَا تَقِفُ بَعِيدًا ؟ لِمَاذَا تَخْتَفِي فِي أَزْمِنَةِ ٱلضِّيقِ ؟
**اَلْمَزَامِيرُ‬ *10:1‬