منتدى الفرح المسيحى - على قد فلوسهم

https://upload.chjoy.com/uploads/163830848800861.jpg

"على قد فلوسهم"
جملة فضلت وقت كبير بقولها وأنا في شغلي عشان بشتغل في وظيفة حكومية ومعروف إن مرتبها على قدها قوي، وأغلب الوقت مش عايزة أشتغل وأقول على قد فلوسهم!!🙈
وأعمل أى حاجة غير إني أخلص الشغل اللي عندي وأقول بكرة أكمل وكفاية عليهم قوي كدة وده حال كل اللي في المكتب😅

لكن فى وقت ربنا قالي بكل وضوح إنه دي مش أمانة😨
وكنت مصدومة قوي 😮😯
بس هي دي الحقيقة إن أقرر أعمل أي حاجة
في وقت الشغل وأنا عندي شغل ومتأجل عشان مرتبه قليل
دي مش أمانة

تعالى النهاردة راجع نفسك إيه أخبار أمانتك في شغلك؟
هل شايف نفسك بتعمل كل اللي عليك ولا مقصر؟!
بتشتغل فعلاً على قد فلوسهم ولا على حسب إحتياج الشغل؟