ازاى تكتشفى قدرات ومواهب بنتك فى ٣خطوات ؟
 

إزاي تكتشفي قدرات ومواهب بنتك في 3 خطوات ؟

من حوالى شهرين وقبل ما الدراسه تقف
كنت بعت message لمامة بنوته صاحبة بنتي
وردت عليها بعد حوالى ساعتين
______________________________________

أسفه يامنار مشفتش ال message رنا كان عندها zoom session لمادة العربي

انتي يا بنتي مش بتديها درس خاص فى البيت ايه لزمته ال online بقى

ياريت online بس ده انا بجبلها مدرسين زياده ايام الإمتحانات للمراجعات كمان... ويارتها نافعه🥺
________________________________________

والكلام بينا طول
ولاقتها ياحبيبتي عايشه فى دوامه ومطلعه عين البنت المسكينه معاها

فقولتلها ما الاسهل تحددي قدرات ومواهب بنتك وتركزي عليها هي دي اكتر حاجات هتنجح فيها

قالتلي والله ما انا عندي مانع بس إزاي😁
سؤال جميل ...
__________________________________________

بصي يا ستي
1_انتي هتراقبي بنتك

2_تشوفي ايه النشاطات والحاجات اللى وهي بتعملها بتبقى

🌟متحمسه
🌟وبتحب تعملها كتير
🌟وبتعملها كويس

وال3 نقط دول لازم يكونوا مع بعض فى نفس الحاجه أو النشاط

3_وبعدين تركزي 80٪ من وقتك ومجهودك عليهم
و20٪ بس من مجهودك ووقتك فى تحسين نقط ضعفاها

وهنا عمرك ما هترجعى تقولى ويارتها نافعه بالعكس بنتك هتبقى متميزه ومعدلات نجاحها هتزيد.

رد: ازاى تكتشفى قدرات ومواهب بنتك فى ٣خطوات ؟
 

رد: ازاى تكتشفى قدرات ومواهب بنتك فى ٣خطوات ؟