منتدى الفرح المسيحى - خدام مدارس الاحد من فضلكم متجرحوش الاطفال

https://upload.chjoy.com/uploads/163757094807631.jpg

خدام_مدارس_الاحد_من_فضلكم_
متجرحوش_الاطفال💔
لما تيجوا تعملوا كورال ولا مسرح ولا اي حاجه جوه الكنيسه ، اللي هو مقصود بيها شيء خدمي ، اختاروا العيال المرفوضه من اصحابها ، اللي واخدين جمب ، اللي محدش بيكلمهم ولا بيصاحبهم ، اللي عندهم مشاكل في الثقه والتواصل والكلام

مش مهم العرض يطلع حلو ولا وحش قد ما مهم ان الناس دي نحس بيهم ونخدمهم و صدقني بيتغيروا وبترجع لهم ثقتهم اللي فقدت بسبب مجتمع اناني

للاسف كلنا بنختار الشاطر والنتيجة انهم بياخدوا ثقه علي ثقتهم بتوصل لكبرياء واستهتار ، وهايسيبوك قريب وفِي الاخر لا هتفديهم ولا هتقدم ليهم حاجه

اختار اللي محتاجلك تساعده عشان يتغير واللي محتاج حد يهتم بيه اختار المهمش وبأيدك تخليه نجم منور ، ساعتها بس هتحس انك بتخدم بجد .

شجعوا صغار النفوس 🚶💞💞