منتدى الفرح المسيحى - بتعصبك كلمة يا فاشل

https://upload.chjoy.com/uploads/163743662219851.jpg

ومين فينا مش بيتعصب
من كلمة "يا فاشل؟!"
لأنها فعلاً كلمة تضايق وتكسر..
وكتير مننا بيرفضوا إن أي حد يحكم عليهم بالفشل
حتى لو هما فعلاً حاسين إنهم فاشلين..
لكن عاوز أقولك على حاجة مهمة..
لو بتعصبك كلمة يا فاشل فعلاً،
مش كفاية إنك ترفضها..
محتاج كمان إنك تخرج برة دايرة الفشل اللي في حياتك
وتعمل بعض الحاجات المهمة..
اعترف بالأمور اللي أنت فاشل فيها،
وشوف أيه أسباب الفشل وحاول إنك تعالجها..
أوعى تلعب دور الضحية
أو تستسلم للظروف اللي حواليك..
اجتهد إنك تتعلم من غلطاتك ومتكررهاش تاني،
حط لنفسك أهداف بسيطة وواقعية
علشان تقدر تحققها..
توقع إن الحياة صعبة وبتحتاج معافرة
علشان نوصل لهدفنا..
علشان كده محتاجين نطلب معونة من الله باستمرار،
ونتكل عليه في كل أمور حياتنا.