منتدى الفرح المسيحى - الوجع هو علاقه خاصه جداً بينك وبين ربنا

https://upload.chjoy.com/uploads/16374008743631.jpg

مبيتحكيش ..الوجع مبيتحكيش !
حقيقيه أوي الجمله دي ..
كل إللي بتفضفض بيه ده مش الوجع الحقيقي .
. ده شوية كلام على الوش .. مجرد عنوان لإحساسك !
لكن الوجع الحقيقي بيبقى جوه أوي .. إنت نفسك مبتعرفش حجمه !
مبيعرفهوش غير ربنا وبس .. ومبيهداش غير بلطف ربنا وبس .. فيبعتلك حد يطبطب عليك .. حاجات تتشغل فيها أوي ، متلحقش تفكر .. يديك الهمه تقرب منه اكتر وتلجأله .. حتى الصدمه وإنك مش مستوعب إللي حصل .. فيها لطف .. متستحملش لو إدراكك كامل !

بيديك مسكنات لحد ما الوجع تاخد عليه !!
أيوه تاخد عليه .. وهو ده إللي بنسميه ( نسيان ) لكن الوجع مبيتمسحش !
لولا النسيان منتحركش من كتر الأوجاع والحياه تقف !
كل ده آليات لُطف ربنا ..

. فصعب أوي نتحمل من غير لطف الله ..

الوجع هو علاقه خاصه جداً بينك وبين ربنا ..