منتدى الفرح المسيحى - الايمان دعوه لتطمئن وسط الاحزان

https://upload.chjoy.com/uploads/163722496280551.jpg

لو حد قالك انا سقعان
اكيد مش هتقوله خلى عندك ايمان بربنا واتدفى
اجابه مش منطقيه.

نفس الحوار ف الاحساس بالمشاعر المختلفه زى الحزن .. زى الغضب ..
لما حد يحس بالحزن
مينفعش تلغى مشاعره بالإيمان
الايمان موجود عشان نطمن ونثق
مش عشان نلغى مشاعرنا وننكرها

لما الكتاب المقدس بيقول( افرحوا فى الرب كل حين) او
(لا تكن إلا فرحا)
مش بيلغى الحزن
لكن بيطمنك فى الحزن
والدليل
"بَكَى يَسُوعُ." (يو 11: 35)

🔻حزنك مش عدم ايمان
ولكن الايمان دعوه لتطمئن وسط الاحزان
(احسبوه كل فرح يا اخوتى)

🔻غضبك مش عدم ايمان
ولكن الايمان دعوه لتغضب دون أن تخطئ
(اغضبو ولا تخطئو)