منتدى الفرح المسيحى

https://upload.chjoy.com/uploads/163699336834521.jpg

زمان قالوا في الأمثال: "ابو بلاش كتر منه" ..
ليه ؟؟
لان ما حدش ح يتكلف حاجة و لا ح يدفع حاجة ،
يبقي نستغله لان هو استرخص نفسه..

اللي يرخص نفسه الناس تركبه و تاخد منه غرضها
و بعدين تستغني عنه ..

لكن الغالي غالي و تمنه فيه ..

الناس تحب تتعب علشان تعرف قيمة اللي بين ايديها ، و قليل قوي الشبعان المتربي اللي يعرف قيمتك من غير تعب ..

و الحاجة لما ترطرط (تبقي موجودة ببلاش) ترخص ، و لما تشح تغلي و تعلي ..

اللي يرخص وقته و كرامته و قيمته بيتصدم في الآخر..

القاعدة خليك غالي مع اللي مش عارف قيمتك ، الناس تشوفك غالي و عالي ..