منتدى الفرح المسيحى - الجنيه معجزة

https://upload.chjoy.com/uploads/163689695882671.jpg

تعرف ان كل جنيه او دولار بيوصلك خارج بكلمة من ربنا ، زمان كان الغراب بيروح وفي فمه رغيف العيش لايليا بكلمة من ربنا كل يوم في الميعاد ، و المن والسلوي كانوا بيوصلوا للشعب بكلمة من ربنا كل يوم في الميعاد .

مسكين لو فاكر انها بشطارتك .. صدقني سوري في اللفظ لو مشيت علي ايديا و اتشقلبت و ربنا قافل من فوق انسي انك تعرف تجيب جنيه واحد .. علشان كدة كل جنيه تمسكه في ايدك اعرف انه واصلك بمعجزة .

المسيح أكد علي المعلومة دي في الانجيل انكم لا تهتموا بما للغد لان الله هو اللي بيعولكم و بيبعت احتياجكم .

و ده طبعا مش ضد السعي والاجتهاد .. لان سفر الامثال بيقول (ثروة الانسان الكريمة هي الاجتهاد) يعني كل شخص بيجتهد في الطريق الصح مع الوقت ربنا هيكرمه .. لكن حتي السعي والاجتهاد ده ولا حاجة من غير توفيق ربنا و من غير ما ربنا بنفسه يفتح الباب .

مين هيقوله شكرا يارب علي معجزة الجنيه كل يوم ..
او معجزة الدولار او ايا كان عملة بلدك ..

يمكن احنا اعتادنا كل حاجة في حياتنا بدون ما نشعر انها معجزة ، علشان كدة مش مبسوطين لاننا مش بنشوف نعم ربنا الكتير علينا .. تعالوا نشكره علي ابسط الامور .