منتدى الفرح المسيحى

https://upload.chjoy.com/uploads/163675156534031.jpg

مهما حصل من ناس تعبوك.. حاول ماتقفلش قلبك جامد ناحيتهم..
خلي مساحة حتى ولو صغيرة ليهم جواك..
توقع ان ممكن يحصل تغيير وترجع العلاقات حلوة..
بالرغم من اللي حصل ليوسف بسبب اخواته.. لكنه فضل قلبه مفتوح انه يغفر ويحتضن..
تخيل لو قلب يوسف اتقفل ناحيتهم وقرر انه يتجاهلهم؟
بكل تأكيد كان هيعطل بركة ربنا عايز يبارك بيها شعبه في الوقت ده.. فبالتالي تعطيل لتتميم مقاصد الله...
لو مش قادر تعمل كده.. اطلب معونة الروح القدس.. يقدر يوّسع قلبك ناحية النوعية دي من الناس..
يخليك زي بولس اللي اتعامل مع أهل كورنثوس بالمبدأ ده.. رغم انه وصفهم ب قلبهم ضيق.
. وفي نفس الوقت كانوا فاكرين العكس.. إن بولس هو اللي قلبه ضيق ناحيتهم..
كشف حالتهم وقال لهم: لَسْتُمْ مُتَضَيِّقِينَ فِينَا بَلْ مُتَضَيِّقِينَ فِي أَحْشَائِكُمْ. (٢ كورنثوس ٦: ١٢)..
العيب عندكم لكن انا هافضل احبكم وقلبي متسع (يساع) كل حد فيكم..
فَمُنَا مَفْتُوحٌ إِلَيْكُمْ أَيُّهَا الْكُورِنْثِيُّونَ. قَلْبُنَا مُتَّسِعٌ. (٢ كورنثوس ٦: ١١)
يارب اديني القلب المتسع ده لكل حد اتعاملت معاه وجبت آخرى منه..
علمني اخلي مساحة جوايا من المحبة والاحتواء
🙏🙏
قلب_متسع♥️