![]() |
لكل يوم زوّادة: أطلبوا تجدوا إقرعوا يُفتح لكم : 9 / 11 / 2021 /
لكل يوم زوّادة: أطلبوا تجدوا إقرعوا يُفتح لكم بيخبرو عن إم و بَي عم يحكو انّو ما بقا في اكل بالبيت و سِمعن ابنن الزغير. قرّب و قلّن ما تزعلو، هيديك المرّة الأبونا بالقدّاس خبّر انّو يسوع قال شو ما بدكن اطلبو منّي و انا بعطيكن، انا رح صلّيلو خبرو انّو بدنا أكل. فات الصبي عا اوضتو و صلّى و بس خلّص راح عند اهلو قلّن: شو جبلنا أكل؟ قالولو اهلو: لأ. تاني يوم كمان صلّى الصبي و رجع سأل اهلو قالولو لأ. تالت يوم زعل الصبي و قرّر ما بقا بدّو يصلّي لأنّو يسوع ما ردّ عليه، بعد شوي بتوصل سيّارة مُزارع مليانة طبخ و جبنة و لبنة و خضرة و فواكه بيقلّن انّو هوّي فاض عندو الإنتاج و عم يوزّع عالكل. قالولو اهلو ما بدّك تسألنا اليوم اذا يسوع بعت أكل؟ قلّن لأ وقّفت صلّي زْعِلت لأنّو ما ردّ عليّي. خبّروه اهلو شو صار، فرح الصبي كتير و قال بعتذر منّك يا يسوع انت مشغول كتير و انا ما نطرتك...اطلبوا تجدوا اقرعوا يفتح لكم و قد ما طوّل الجواب هوّي اخبر و توقيتو هوّي الصحّ ما تنسوا هالشي و ما تتراجعوا! https://upload.chjoy.com/uploads/163643423286111.jpg |
رد: لكل يوم زوّادة: أطلبوا تجدوا إقرعوا يُفتح لكم : 9 / 11 / 2021 /
ميرسي علي زوادة اليوم
ربنا يفرح قلبك |
رد: لكل يوم زوّادة: أطلبوا تجدوا إقرعوا يُفتح لكم : 9 / 11 / 2021 /
آمين يا رب |
رد: لكل يوم زوّادة: أطلبوا تجدوا إقرعوا يُفتح لكم : 9 / 11 / 2021 /
ربنا يبارك خدمتك
|
الساعة الآن 12:24 AM |
Powered by vBulletin® Copyright ©2000 - 2025