منتدى الفرح المسيحى - سيب كل واحد حر في الطريقة لللي يقرر يشوفك بيها

https://upload.chjoy.com/uploads/163622287555711.jpg

فية ناس انت بالنسبالهم "هدف" .. مجرد ما يوصلولة بتفقد قيمتك في عينيهم .
وفيه ناس انت بالنسبالهم "مصلحة" اول ما ياخدوها، بتبقى مالكش لازمة ليهم .
وفيه ناس انت بالنسبالهم "انبهار" اول مايقربوا منك ومع الوقت
، بتتحول لشخص عادي وينبهروا بغيرك ويسيبوك .
وفيه ناس انت بالنسبالهم "المتاح" مافيش غيرك دلوقتي يلجأولك ، اول مايلاقوا بديل بيستغنوا عنك .
وفيه ناس انت بالنسبالهم "قيمة و حب" بتفضل دايما في عينيهم مهما طال الزمن واختلفت المسافات والاماكن هو نفس الشخص اللي مش ممكن يستغنوا عنه .
هتلاقي في رحلة حياتك كل انواع الناس دية..
لكن الانسان الحكيم اللي مايقفش قدام تصينف انواع الناس اللي بتقرب منه ، لكنه بيستمتع ويتعلم و يتبارك من خلال امانته وصدقه ومحبته لكل انواع الناس اللي بيقابلهم .

خليك امين في كل علاقاتك وماتزعلش ولا تلوم نفسك على اي موقف ايجابي انت عملتة مع حد .
افرح وافتخر بنفسك وبصدقها وقوتها وامانتها .. واتبارك باللي ربنا بيعمله من خلالك في حياة الناس دية وبس ، وسيب كل واحد حر في الطريقة لللي يقرر يشوفك بيها ويقرب بيها منك .