منتدى الفرح المسيحى

https://upload.chjoy.com/uploads/163619205291931.jpg

واحدة من القضايا الكبيرة
الموجودة في عالم المتزوجين هي فكرة التسلط
أو محاولة السيطرة على الشريك الآخر..
وأغلبنا محفور في دماغة مشهد سي السيد وأمينة
اللي كانت ممنوع تعمل أي حاجة صغيرة
أو كبيرة غير بإذنه،
وكان أغلب الوقت بيزعق ويعلى صوته
علشان يخوف ست أمينة وعيالها!..
وغالبا برضه أغلبنا متفقين على أن الشكل دا من التسلط
هو بالتأكيد محاولة للسيطرة بصورة مباشرة،..
لكن يمكن كتير مبناخدش بالنا كويس
من طريقة تانية خالص من التسلط والتحكم
ممكن نسميها (القوة الناعمة) اللي بيخلي واحدة ست مثلا
تستغل جمالها أو كلامها المعسول أو تغريه بأي طريقة
علشان تخلي جوزها يعملها اللي هي عايزاه
من غير اهتمام برغبته ولا إرادته الحقيقية في الموضوع..
أو ممكن مثلا تستخدم الأطفال للتأثير عليه
أو حتى أي طريقة تاني بعيدة عن العنف والصوت العالي
لكنها كلها بتوصل لنفس الطريق..التسلط والسيطرة.