منتدى الفرح المسيحى - مفيش حد فينا كويس

https://upload.chjoy.com/uploads/16361427153551.jpg

علماء النفس بيقولوا..
إن مفيش شخص سوي نفسياً بنسبة 100%
كلنا بنعاني من مشاكل نفسية في حياتنا بشكل أو بأخر،
لكن اللي يفرق واحد عن التاني
هو طريقة تعامله مع المشاكل دي..
في شخص بيستسلم للضغوط والتحديات اللي في حياته
وبيوصل للإحباط واليأس بسرعة،
وفي شخص بيدخل في حالة من الإنكار
لمشاكله إعتقاداً منه إن ده حل ليها..
وفي شخص بيرمي اللوم على اللي حواليه
علشان ميتحملش مسؤولية مشاكله..
لكن في اللي بيقرر يواجهها
ويتعامل معاها بشكل عملي وواقعي..
والحقيقة دي أفضل طريقة للتعامل مع مشاكلنا النفسية،
كل شخص فينا محتاج إنه يكتشف ويعرف
أيه هي المشكلة النفسية اللي بيواجهها..
ومش عيب إنك تطلب مساعدة من متخصص في الأمر ده،
في مشاكل بتتحل في وقت قليل..
وفي مشاكل حلها بياخد وقت كبير وخطوات نمشيها،
لكن مفيش مشاكل بتتحل لوحدها أبداً..
في دور عليك لازم تجتهد إنك تقوم بيه..
مفيش حد فينا كويس..
لكن في ناس بتختار
إنها تتعامل مع مشاكلها بشكل كويس.