منتدى الفرح المسيحى - الفاتورة علي الله

https://upload.chjoy.com/uploads/163610553377181.jpg

ترد و تستبدل .

عبارة كانت و ما زالت مشهورة : البضاعة المباعة لا ترد و لا تستبدل ..
يعني بصريح العبارة ، اللي اشتريته و استهلكته، ما بقي لوش تمن ، و ينفعش تبوظ في اللي اشتريته و ترجع تقول ما يلزمنيش ..

الا عند ربنا ، البضاعة ترد و تستبدل ..
من هنا جاء تعبير " يرد نفسي" (مزمور ٢٣) ..

يعني نفسك اللي ضيعتها و بددت طاقتها و مشاعرها و طهارتها، يردهالك سليمة و جديدة و من غير ما تدفع او تغرم اي حاجة ، بكلمة توبة و دمعة ندم ..

و ربنا هو اللي بيتحمل تكلفة "رد النفس التائبة" ..

يعني الفاتورة علي الله !!