منتدى الفرح المسيحى - شخصيات كتابية نتعلم منها ( كالب بن يفنة )

https://upload.chjoy.com/uploads/163589397734781.jpg

كالب بن يفنة
كالب معنى اسمه كلب
وكان بني اسرائيل يطلقوا اسماء أولادهم على اسماء حيوانات زي يونان بمعنى حمامة
كالب هو أحد الجواسيس الـ12 اللي ارسلهم موسى لتجسس أرض الموعد
وكان كالب هو رأس سبط يهوذا ومعاه يشوع بن نون
ووجدوا الأرض جيدة جدا وجابوا عنقود عنب وفواكه دلالة على إن الأرض جيدة
لكن عشرة من اللي راحوا خوفوا الشعب ان المدينة محصنة وسكانها أقوياء
لدرجة انهم شافوا نفسهم زي الحشرات قدامهم
لكن كالب قال: (سفر العدد 13: 30)
لكِنْ كَالِبُ أَنْصَتَ الشَّعْبَ إِلَى مُوسَى وَقَالَ: «إِنَّنَا نَصْعَدُ وَنَمْتَلِكُهَا لأَنَّنَا قَادِرُونَ عَلَيْهَا».
وربنا كافأ يشوع بن نون وكالب بن يفنة انهم الاثنين الوحيدين اللي دخلوا أرض الموعد
لكن تعالوا نشوف ايه اللي نتعلمه من كالب
1- كالب المشجع
كالب برغم ان فيه 12 واحد منهم 10 رافضين فكرة انهم يحاربوا لكن هو مشجع
وكان سند ليشوع في كل طريقه
2- كالب المؤمن
كالب كان عنده ثقة في الله انه هيخلص ولو بالقليل
3- كالب الخاضع
بعد موت موسى تولى يشوع المهمة ونلاحظ ان كالب اختفى
مافكرش وقال ان زي يشوع ايه اللي تميز بيه يشوع عني علشان هو اللي يقود
انا اصغر منه واقوى منه
لكن اختفى وكان واثق ان الله هينفذ وعده
كالب برغم انه كان مع يشوع لكن احترم سلطان القيادة ليشوع وكلمه بكل أدب
في سفر يشوع 14 واستأذن من يشوع بكل أدب
تعالوا نطبق اللي اتعلمناه
1- كن مشجع للكل ولا تكن سبب احباط
امتدح حتى العمل البسيط لأن الناس متشوقة لكلمة طيبة بدل النقد المستمر
2- ثق مهما كانت ضيقاتك او الناس اللي بيضايقوك ان الله معك وهيعطيك سؤل قلبك لكن اصبر
3- كن خاضع لسلطان القيادة ان كان مديرك او كاهن او مرشد مهما كان اصغر منك
كن متواضعا مع الكل يصبح الكل في خدمتك