منتدى الفرح المسيحى - هو احناا ليه بنتجوز

https://upload.chjoy.com/uploads/163571793444181.png

اختلف الناس في تحديد الهدف من الجواز،
في اللي بيتجوز علشان
يمارس الجنس في إطار شرعي!
وفي اللي بيتجوز علشان يكمل دينه..
وفي اللي بيتجوز علشان ميعديش سن الجواز.
لكن في الحقيقة الكتاب المقدس
بيقولنا إن في أهداف تانية للجواز..
أول هدف إن الإنسان يلاقي ليه مُعين نظير،
يعني شخص يشاركه ويعينه
في وسط ظروف الحياة الصعبة..
ويكون رفيق رحلة العُمر بحلوها وبمرها،
تاني هدف إننا يكون عندنا أولاد
نربيهم بتقوى ومخافة الله..
فيكونوا أشخاص نافعين للمجتمع
وعلاقتهم بربنا وباللي حواليهم سوية..
تالت هدف إننا نعكس علاقتنا بالله
من خلال حياتنا الزوجية..
فالزوج بيحب زوجته زي ما المسيح
حب البشر وضحى لأجلهم..
علشان كده لازم الزوج يحب زوجته
بشكل عملي مش بس بالكلام..
والزوجة كمان بتخضع لزوجها
من منطلق إنها بتحبه وتحترمه...
مش لأنه مُتسلط أو ديكتاتور..
والأهداف دي كلها بتتحقق من خلال أمرين،
أولهم إن الزوجين حاطين حياتهم بين ايدين ربنا..
يعني الله هو اللي بيقود حياتهم،
والأمر التاني إنهم عندهم استعداد
يشتغلوا على نفسهم ويتغيروا للأفضل..
يعني عارفين تحدياتهم
وبيجتهدوا إنهم يتعاملوا معاها ومش بينكروها.