منتدى الفرح المسيحى - حبوا ماما قبل ما تحبوني

https://upload.chjoy.com/uploads/163531274501121.jpg

متصلة تسأل امتي تيجي تشوفي المولود بس مسألتيش علي أمه 🙄

خلينا نتفق إن دي مسألة حساسة جدا
بالنسبه لكل أم سواء جديدة او حتي معاها اولاد 👇

تخيلي حجم الألم و التعب و الخوف اللي مرت بيه 😑

تخيلي انها مش نايمة من قبلها بيوم او اتنين علي الاقل 💔

تخيلي انها راجعة البيت هتموت من الجوع و عايزة تاكل و تأكل البيبي و ولادها لو كان معاها اطفال قبل كدة 🥴

تخيلي انها بتنزف و هرموناتها كلها في حالة اضطراب شديد 🥲

مطلوب منها ترضع و تسهر و مطلوب منها ترتاح طب هتعملها ازاي 🤚

مطلوب منها تتعرف علي البيبي و تراقبه و تطمن علي حرارته و لون جلده و شكل الحمام بتاعه و ترضعه قد ما تقدر و تحميه وهي جسمها تعبان و مش قادرة تتحرك 🤕

و مطلوب منها في النهاية تكون مبسوطة بس متبينش اي احساس بالألم او الإجهاد او الحزن لإنها مناسبة سعيدة و هي مش اول ولا اخر ست تولد 🤨

ف ياريت قبل ما نتصل نسأل هنيجي نشوف البيبي امتي، نسأل علي الأم نتطمن عليها وعلي صحتها، نشوفها كويسة ولا محتاجة مساعدة، نشوفها حابة تعمل ايه و مش قادرة، نسمع لها و نعاملها بإيجابية و نحتوي مشاعرها المتلخبطة ❤

و كدة كدة هنفرح بالنونو معاها برضو هو في الاخر حتة منها، بس الإهتمام بصحتها و نفسيتها دا هينعكس عليه في الاخر عليه 😎😍

حبوا_ماما_قبل_ما_تحبوني 😌

👩🍼👼