منتدى الفرح المسيحى - كلنا بنمر بمراحل احياناً

كلنا بنمر بمراحل احياناً بنحس فيها
اننا محتاجين نحب وكتيير مننا بسبب الفراغ العاطفى ممكن يدخل اى علاقة حب مع اى من الجنس الاخر بغض النظر عن كمية الكوارث المبدئيه والنهائيه اللى بتلحق بنا من علاقة حب غير ناضجه او غير سويه !

اول مشكله بتقابلنا بعد بداية اى علاقة حب بتكون " الفكر "
يعنى ايه ؟
الفكر هو أحد اهم العوامل المؤثره فى بقاء أى علاقه من اى نوع
يعنى " س " و " ص " من الناس لو متوافقين فكرياً الامد الزمنى لعلاقتهم يكون طويل مقارنة ب " ن " و " ع " من الناس مش متقاربين فكرياً

يبقى اول مبدء لازم نختبره فى اى علاقة حب جديده هو التوافق الفكرى

اختبر نفسك ومن معك فى حل المشكله
بمعنى
لما تحصل مشكله وتخلص بص للمشكله بعين مجرده واسئل نفسك

هل حلك جذرى ام انه يعالج المشكله بطريقة وقتيه ؟

لو كان حلك جذرى فانت تسير فى الطريق الصحيح نحو الارتباط الناجح
اما لو كان حلك وقتى فأعلم انك تزرع قنابل موقوته فى طريقك للحياه الزوجيه