منتدى الفرح المسيحى - حد مستعد يكمل معاك للآخر....وحد دايما بيركنك للآخر

https://upload.chjoy.com/uploads/163486176326521.jpg

الفرق بين الشخص المريح والشخص المهلك ..
إن الأولاني قابلك زي ما انت ،بيطمنك ومتطمن لك معندوش ذرة شك فيك ولا في محبتك ،بيعرف يعذر ..في مسافة أمان جميلة بينكم ،صدى زعلك مش أمر هين بالنسبة له ...

الشخص التاني ما بيرحمش ،سئ الظن ،شكاك ،
مراوغ ،عايزك ملاك ،وبيور كده زي العصير الفريش
ولا تشوبك شائبة ، لا تغلط ولا تسمح لنفسك بالغلط
،فارض عليك قوانينه اللي هو أساسا ما بينفذهاش على نفسه ...

الفرق بين الاتنين .. الأولاني بيمد لك ايده بالحبل طول الوقت بيشدك بيه وياخدك من نفسك ومن حزنك باهتمامه وعطفه واحترامه ليك طول الوقت ..

والتاني بيشد الحبل يلفه حوالين رقبتك بسوء الظن واساءة المعاملة والحدة ويكرهك في نفسك وفي العيشة كلها ..

والفرق بين الاتنين 👇
حد مستعد يكمل معاك للآخر....وحد دايما بيركنك للآخر