منتدى الفرح المسيحى - اعرف سبب ألمك علشان تتشفي و تتحرر

https://upload.chjoy.com/uploads/163467295225321.jpg

تابع معايا يمكن تتفاجئ !!
في يوم قعد معايا شخص تعبان و محتاج مشورة؛👇🏻
❗️الشخص: أنا إنسان بحب ربنا جداً و بكلم كل الناس عنه
و عن صلاحه و محبته و لكن انا جوايا مش بشعر انه صالح و ده احساس تعبني جداً.
💬 أنا : باباك اتوفي و انت عندك كام سنه.
❗️الشخص: كان عندي ٥ سنوات.
💬 أنا: لما سألتهم بابا راح فين، قالولك ايه؟
❗️الشخص : قالولي ربنا اخده في مكان جميل.
💬 أنا: يعني انت وقتها عرفت ان ربنا اخد منك بابا اللي بتحبه.
❗️الشخص: اه
💬 أنا: هو ده السبب اللي وصلك مشاعر ان الله مش صالح، لانك كطفل مش هاتفرق معاك انه مع ربنا أو في مكان جميل، لكن ان ربنا اخد منك شخص أنت بتحبه، و هي دي المشاعر اللي فضلت جواك تجاه ربنا.
👈🏻اللي عايزه اتكلم فيه مش اننا لازم و مهم ناخد بالنا المفروض نقول ايه لاولادنا و مايكونش ليه تأثير سلبي علي حياتهم بالكامل،
👈🏻 لكن اللي عايزة اقوله ان فيه كتير وجع او الم جواك، ممكن يكون سببه مخزون خاطئ من احداث أو رسائل أو أفكار غلط، اللي في الغالب اساسها بيتكون في طفولتك و محتاج تخرجه من جواك سواء في قعدات هاديه مع نفسك أو مُشير، أو شخص موثوق فيه.
🤔 اعرف سبب ألمك، علشان تتشفي و تتحرر!!