" اعجوبة الشمس "
فعلا لحظات مخيفة ومرعبة بس نهايتا فرحة
تعوا نرجع لسنة 1917 متل اليوم 13 تشرين الاول ونستذكر هاللحظات شو صار
العدرا قالت لل 3 ولاد انو هالظهورات حقيقة وكرمال هيك رح تعمل اعجوبة الشمس
تجمّع اكتر من 70 الف شخص وكانت نازلة الشتي زخّ وعم بصلّوا ناطرين
عند الضهر اجت العدرا وخبرت الاطفال " انا سيدة الوردية جيت تخبّر البشرية تيغيروا حياتن ويتوبوا وما يزّعلوا الله اكتر من هيك لأنّو غضبان من خطايا الناس خليهن يصلوا الوردية كل يوم "
ولما صارت بدها تفل دلّت بإصبعا عالشمس ولوسي بدورا دلّتن عالشمس
وبلحظة توقفت الشتي وتفرقت الغيوم واشرقت الشمس بشكل قرص فضي والكل شافوها بدون ما تتعب عيونن
وصار هالقرص بيرم بالسما مع اشعاعات ملونة احمر اخضر ازرق وبنفسجي
وضوّت كل الضيعة وبعد 3 دقايق وقفت الاعجوبة ورجعت نعادت مرتين وكل هالشي ب 12 دقيقة بس
وكأنّو في نار مع كل برمة للشمس
بلّشت الناس تصرخ وكأنّو الشمس انفصلت عن نفسا ورح تهبط عليهن
حتى في مرا صرخت انها نهاية العالم
الكل صاروا يطلبوا العفوا عن خطاياهن وبلحظة هالخوف توقّفت المعجزة ورجعت الشمس عادي مشرقة متل العاده
وتيابن اللي كانت تملّت طين رجعت ناشفة ونضيفة والمرضى شفيوا من امراضن
تعوا نصلي الوردية متل ما وصّتنا العدرا حتى ما يغضب يسوع علينا متل ما نبّهتنا العدرا بهالظهور
والله يحمي الجميع ويشفي كل المرضى ويرحم كل الموتى امين آمين آمين