منتدى الفرح المسيحى

أه يا دنيا

http://www.google.com.eg/url?source=...Pt6C8F15lwPxRg

*** أتحدث بلسان حال أغلبية البشر ***

http://www.google.com.eg/url?source=...cGC7TqYUHs_Zlg

أه يا دنيا

أهاتى فيكى يا دنيا كل يوم بتزيد

وأوجاعى كل يوم بتكتر

وفيكى يا دنيا بتمنى ألاقى اللى يطبطب عليا

بس أقول لمين ومين هيسمعنى

أنا أهو عايش والدنيا بتلطش فيا يمين وشمال

وأنا راضى وربنا المعبود

ولا فكرت عمرى أعترض ولا أصرخ

من صغرى لغاية ما كبرت

بابا حبيبى مرفعش أيده عليا وضربنى

يرضيكى يا دنيا أكون ماشى فى حالى

وألاقى اللى بيضربنى من غير سبب

ولو ضربته هنتقم منه وممكن أقتله

وكده يا دنيا مش هنبقا فى دنيا هنبقا فى غابة

وعلشان يا دنيا متهونيش عليا أخليكى غابة

بسكت وبقبل الأهانة أهو أنا أحسن من غيرى

فى بلاد تانية بينضربوا بالجذم وساكتين

وبلاد تانية بيموتوا من الجوع وراضيين

وبلاد تانية بتموت بالرصاص وبالقنابل

عينى عينك كده ومفيش حد بيعترض

واللى بيعترض يا دنيا أكيد بيتمنظر

ويا دنيا ناسك بيتمنظروا أكتر ما بياكلوا

وأهو ناس بينضحك عليها وهيا عارفه

وناس تانية بينضحك عليها وعايشين مغفلين

أه يا دنيا لو أقدر أقول للمغفل أصحى

وأقول للى عارف بأنه مضحوك عليه حرام عليك

يا سلام يا دنيا لو بقينا أيد واحدة ومصلحتنا واحدة

أه يا دنيا أه أه ومليون أه لو أتحدنا بجد

لنخلى أعداءنا فى كل حتة ميعرفوش يناموا من الخوف

ومن خوفهم يموتوا من غير ما نلوث نفسنا بدمهم العفن

ويا سلام يا دنيا لو أحلام الناس تتحقق

مكنش فيكى حد يا دنيا قال الأه

واللى يقول الأه يبقا تعبان وندعيله ربنا يشفيه

ولغاية ما يتحقق الحلم لازم ندعى ونقول يارب نتحد

وتكون الكلمة كلمتنا مش كلمة أعداءنا

اللى واكلين شاربين نايمين

وغيرهم مش لاقى نقطة ميه ولا حتى العيش الحاف

وقدام عيونا بيموتوا وأكيد ذنبهم فى أيد حكام المسلمين

اللى شايفين وساكتين وأحنا ربنا يرحمنا برحمته

أه دنيا وسامحينى لو كنت قولت أه

بس مفيش فى أيدى وأيد غيرى غيرها

أه أه اه أه أه ملناش فعلا إلا هيا

واللى شايف أن عندى حق يلا يقول أه