منتدى الفرح المسيحى - فَخَافَ يَهُوشَافَاطُ

https://upload.chjoy.com/uploads/163373363115721.jpg
خايفين؟
أكيد خايفين وكل يوم لما بنشوف عدد الحالات
ولما بنلاقي ناس قريبة مننا اتصابت بنخاف أكتر،
لكن السؤال.. نعمل ايه لما نخاف؟

يهوشافاط مر بأزمة مش وباء زينا دلوقتي،
لكن أزمة حرب فيها ظروف شبه ظروفنا،
زي تعطيل الحياة والخوف من المستقبل وحاجات تانية كتير
والكتاب المقدس بيحكي ان لما جاله خبر ان في جيوش محيطة ببلده وعاوزة تهلكه
"خاف"
مشاعره كانت خوف
وكان رد فعل طبيعي جدًا
لكن اتصرف تصرف صحيح وجعل وجهه ليطلب الرب،
رد الفعل الصحيح للخوف هو "الصلاة"

طبيعي تخاف وماتجلدش نفسك انك خايف
لكن قرر قرار حاسم انك هاتصلي وتصوم وتوجه قلبك هايكون زي توجه قلب يهوشافاط.

"فَخَافَ يَهُوشَافَاطُ وَجَعَلَ وَجْهَهُ لِيَطْلُبَ الرَّبَّ، وَنَادَى بِصَوْمٍ فِي كُلِّ يَهُوذَا." (2 أخ 20: 3)