منتدى الفرح المسيحى - التجارب مدرسة كبيرة

https://upload.chjoy.com/uploads/163308923966311.jpg

لما تقع فى تجربة معينة بتتعلم وتشوف ٣ امور بس بنظرة مختلفة خااااالص 😃 :

اولاً بتشوف_عمل_الله ف حياتك كويس جداً - بتعرفه بجد وبتلمس ايديه - بتحس بسندته وبتفهم و بتتأمل ارادته الصالحة ف حياتك - بتشوف تدبيره اللى يفوق العقول - وف الاخر بتشكره ع التجربة وتقوله يارب فعلاً لتكن ارادتك ف حياتى دايماً - وترتيباتك وتجاربك دايماً للخير 🙏

ثانياً بتشوف_نفسك من الداخل كويس اوى - وبتعيد حساباتك - ودنيتك - وانت ماشى ازاى ورايح فين - وواقف عند اى نقطة - وطريقك اللى انت ماشى فيه ده صح ولا غلط - وياترى لو غلط هاتراجع نفسك وتلحق تمشى صح !؟ 👌

ثالثاً بتشوف_اللى_حواليك كويس اوى …
مين مكنتش متوقع انه يقف جنبك تلاقيه بيكلمك ويقف جنبك ، ومين تانى كنت مستنى منه كتييييير وتلاقيه مش معاك خالص ولا بيعبّرك خاااالص 😌
مين بيسال وقلبه عليك ، ومين بيكلمك لمجرد تأدية واجب او فضول منه لمعرفة اخبارك 😌
مين بيكلمك علشان يسندك بجد فى وقت تجربتك ، ومين تانى يكلمك عشان مصلحة تعملهاله بمنتهى التجاهل ل اللى انت فيه😌

ولكن نصيحتى ليك مع كل هذا🤝
انك تستفيد من التجربة💪 وتخرج منها بدروس حلوة ونافعة ليك👏
👈اشكر ربنا على التجربة وافهم ارادته وتدبيراته الصالحة ليك🙏
👈انتهز الفرصة واختلى بنفسك وشوف انت فين وحياتك الروحية فين 🙏
👈اخفض سقف توقعاتك مع الكل … وماتنتظرش حاجة من حد … وماتزعلش خالص من حد … والتمس العذر للكل … وليتسع قلبك للكل 🙏