منتدى الفرح المسيحى

https://upload.chjoy.com/uploads/16326857757461.jpg

لو عايز تعرف فضفضتك
عن الحاجات اللي بتضايقك من شخص
فضفضة صحية ولا مؤذية؟!
تعالى فَكر معايا في النقط دي:-
١) اسأل نفسك بصدق بعد ما بتفضفض
هل فعلا بتبقى أحسن؟
لو الإجابة لا يبقى غالبا إنت بتشتكي مش بتفضفض.

٢) إيه اللي بيحصل في مشاعرك
عن الشخص اللي بتحكي عنه بعد ما بتتكَلم؟
بتهدئ وتبقى أحسن ولا أسوأ؟
لو مشاعرك بتبقى أسوأ
تبقى دي نميمة مش فّضفضة صحية.

٣) وأخيرًا لو وإنت بتحكي عن ضغطك
أو تَعبك لاحظ هل بتتكلم دايما إن الطَرف التاني
هو اللي غلطان وبتتكًلم عنه
ولا بتحكي عن نفسك ومشاعرك انت ؟
لو مش بتعًبر عن مشاعرك أنت
وعن اللي وصِلك إنت بعيدا عن سلوك الشخص التاني
تبقى إدانة مش فَضفضة صحية.