منتدى الفرح المسيحى - نحن عمل يدى الله

https://upload.chjoy.com/uploads/163208926369471.jpg

كل واحد وواحدة فينا مش مخلوق صدفة،
في هدف وقصد إلهي
من وجودي هنا في الحياة 👌
مش بس كده، لكن كمان
كل واحد فينا هو عمل الله المميز جداً ❤️
مفيش اتنين من البشر نسخة طبق الأصل من بعض،
وده اللي بيقوله الرسول بولس هنا..
إن كل واحد فينا هو عمل ايد الله،
وهنا بولس بيشبه الله بالفنان المبدع..
اللي بيعمل تحف فنية فريدة ومميزة ومش متكررة 💎
وبيقول كمان إن الله
مخلقناش علشان نعمل شرور وننشر الفساد..
لكنه خلقنا علشان نعمل أعمال صالحة،
وده من خلال اعتمادنا على الرب يسوع المسيح..
افتكر دايما إنك خليقة الله المميزة،
ووجودك على الأرض
مرتبط بعمل صالح الله أوجدك لأجله. 😍👌