منتدى الفرح المسيحى - بتفهمني وبتحس بيَّ

https://upload.chjoy.com/uploads/163147523417521.jpg

بتفهمني وتحس بيّ، تسمع كلامي اللي مابقولهوش
وتحبني تشفق عليّ وأصغر نور في مابتطفيهوش

أنا ليّ مين يا يسوع غير قلبك اللي حبني
بتضمني وبيهمك أصغر حاجة بتهمني

أصحابي ناموا بالليل وعينيك عليّ سهرانة
وحتى لو كان ليلي طويل، تبعت أغاني فرحانة

الضعيف أنت سانده، شعر راسي أنت عدّه
والطريق اللي أنا مش قده، أنت تمسك إيدي فيه

لو مافيش حاجة في إيديّ، إنت ربي وفادي
وفي ضعفي تشفق عليّ، وإحتياجي أنت ماليه

(بتفهمني وبتحس بيَّ)