منتدى الفرح المسيحى - إدارة الوقت من عادات المسيح

https://upload.chjoy.com/uploads/163130409337661.jpg

السيد المسيح كان شخصية اجتماعية
ومحبوب جداً لكتير من الناس 😍
وهو كمان كان بيحب يقعد مع الناس ويحكي معاهم 👨‍👨‍👦‍👦
لكنه كان بيعمل كده باتزان وحكمة شديدة 👌
كان بيبقى عارف امتى وازاي يقعد وسط الناس..
وامتى يقعد لوحده بعيد عن الزحمة ☝️
كان كمان بيقسم قعداته وسط الناس بحسب احتياجهم..
فنلاقيه بيقضي يوم كامل وسط الجموع على الجبل،
أو يقضي يوم تاني مع السامرية في حديث فردي بينه وبينها،
أو يقضي يومه مع التلاميذ
يعلمهم ويكلمهم عن طبيعته وعن إرساليته 🎯
وده لأن المسيح كان بيعرف يرتب وقته بمهارة وحكمة..
كلنا بيبقى عندنا التزامات كتير في اليوم...
وبنشتكي إننا مش بنلحق نخلصها 🤷
ما بين شغل وقعدة مع العيلة أو الأصدقاء،
لكن المسيح بيعلمنا مهارة إدارة الوقت،
والتوازن ما بين الوقت اللي بقضيه مع نفسي
أو مع اللي حواليا.
لو حاولنا ننظم وقتنا هيكون يومنا متبارك
ونقدر ننجز فيه حاجات كتير 😍👌
🙂