منتدى الفرح المسيحى - متشافة بالمقلوب

https://upload.chjoy.com/uploads/163130289479051.jpg

بتلاحظ معايا إن لما حد أخيرا
في لحظة ما يوصل لنجاح كبير في حياته
اللي حواليه يبدأوا يلاحظوا نجاحه دا
ويدوله شوية تقدير واهتمام؟!
وإن نادرا ما حد بيشوف أو بيلاحظ معافرة
ومجهود وتعب حد علشان يوصل
لنجاحه اللي وصله دا؟!
وإن لسبب أو لآخر بيكون صعب علينا نصدق
إن التقدم الكبير اللي الشخص بيعمله في حياته
حقيقي بيكون نتاج خطوات صغيرة كتير
وعادات بسيطة جدا التزم بيها لوقت طويل
فتراكمها هو اللي بيوصله للنتيجة دي
بس الحقيقة إن زي ما كاتب في مرة عبّر وقال:
"ما تمتلكه من أموال حاليا ھو مقیاس
متأخر لعاداتك المالیة.
ووزنك ھو مقیاس متأخر لعاداتك في تناول الطعام.
ومعرفتك ھي مقياس متأخر لعادات التعلم عندك.."
علشان كدا أشجعك لو عايز توصل لأي حاجة كويسة ف المستقبل،
ابدأ طوع عاداتك وسلوكياتك البسيطة الصغيرة من دلوقتي.
🙂