منتدى الفرح المسيحى

https://upload.chjoy.com/uploads/16306580602661.jpg
..
وحشني احساس الشغف المطلق الطفولي اللانهائي ده والثقة الكاملة في المستقبل،
وحشني هدوء وسكوت عميق جوايا مفتقدُه بقالي كتير..
وحشني نظرتي السطحية للحياة وللأحداث؛ النظرة دي اللي مبتشوفش غير اللي قدامها
ولا بتحلل ولا بتشوف ورا اللي بيحصل.
وحشني صلاة مفيهاش تفكير كتير، صلاة بس، انسكاب بس.. تواصل بيني وبين الله بس.
وحشني ثقتي في الناس من غير حسابات، وقت ما كانت الدايرة صغيرة والثقة كبيرة.
وحشتني نفسي القديمة المليانة طاقة، مش روحي العجوزة العطلانة عن الحياة دلوقتي.
وحشني احلام كنت برسمها بحُرية وخطوات كنت جرئ فيها
مش زي دلوقتي خوفي بقى اكبر من رغبتي في استكشاف الحياة.
وحشتني روحي قبل طبقات الخوف والخدلان والاحباط اللي اتحطت عليها
وغيرت معالمها لدرجة اني نفسي مش فاكر شكلها كان عامل ازاي..
وحشتني نفسي القديمة يارب، نفسي المسروقة مني من سنين.
. امتى هاترُدهالي بس.. !؟
#ترُد_نفسي