منتدى الفرح المسيحى - مفيش حد هيحس بوجعك غير ربنا

بيجي وقت عليك بتبقى حياتك ملخبطة مش عارف
حتى تعدل فيها شوية تتخبط يمين شمال

والوقت بيمر عليك تقيل وقاسي وكلة آلم.

بتفكر كتير ودايما فكرك مشغول من كتر التفكير
حاسس بألم جسدي وان روحك هتطلع من الألام
مش قادر تتحمل حاسس ان قلبك هينفجر

ف الوقت ده في وسط الألام ده
قولة اشكرك يارب

اشكرك يارب انك فاكرني وإلي الموت حتى الآن لم تسلمني
اشكرك على كل ضيقة خلتني أقف قدامك واصرخلك
اشكرك انك بتأدبني يارب لكن ادبني من غير ماتكون غاضب علي.

يارب لو شديت عليا متنسانيش واسندني
اسندني وقت ضعفي وقت ضيقاتي وشدتي
يارب انا هتحمل كل شدة طول ماايدك سنداني

تأكد تماما مفيش بشر هيحس بوجعك ولا مدى الآم اللي قاتل قلبك
حتى لو عبرت عن الآلامك هتلاقي كلمة معلش واتحمل اللي بتقتلك اكتر
مفيش حد هيحس بوجعك غير ربنا
مد ايدك واصرخ ليه الوحيد اللي لامس وجع قلبك وقادر يوجدلك حل!!

اشكرك إلهي لانك دائمٱ تسمع وتستجيب ..