منتدى الفرح المسيحى - عواطف الكتروني

https://upload.chjoy.com/uploads/163044173926051.jpg

اهو ده اللي صار و كان ..
نسأل علي بعض الكتروني : كام كلمة علي كام صورة علي كام وردة و كام قلب ..
و العلاقات نشفت و جفت و بردت ..

نزعل من بعض و نقاطع و نهاجم الكتروني : نشير و نلمح و نلقح و نعاتب و نحاسب و نعاقب ..
و ياما ناس زعلت و علاقات اتهدمت بسبب الرسايل دي ..

نحب في بعض الكتروني: كلام كتير، و ورود كتير و قلوب كتير ،
و صور كتير و مشاعر "منقولة" و "مكررة " .. و يا ما ناس اتخدعت و وقعت في مطب التزييف و الادعاء ..

حتي الصلاة بقت الكتروني : آيات و عظات و بوستات كلها "قص و لزق" لزوم التدين ..

الإلكتروني حلو في حاجات ووحش في حاجات ..
حلو لو مش عارفين نتواصل او نتقابل ..
و الصح اننا نتكلم و نتلاقي و نشوف بعض و نفضفض و نعبر و نتفاهم..

ووحش لانه بيحولنا لمكن بارد ، روبوت آلي ، و بيقطع الود و الشركة الحقيقية ..

و خللي بالك من الإلكتروني!!