منتدى الفرح المسيحى - التسامح كلمة كبيرة أوى

#التسامح كلمة كبيرة أوى – مفيش حد عنده القدرة على أنه يسامح بسهولة – مش بسهولة نسامح الناس اللى أذونا فى حياتنا – وفي طموحنا - وفي شغلنا - علشان يوصلوا علي حسابنا مش بسهولة نسامح الناس اللى ظلمونا و اللى بسببهم قضينا أيام صعبة من القهرة و الاحساس بالظلم. ناس وقفوا فترة من حياتنا و كانوا السبب فى استنفاذ طاقتنا فى الزعل والهم والنكد .

الحقيقة أنا مؤمنة جداً بفكرة التسامح و مؤمنة جداً بجديتها
وبجدية نتايجها لو فعلاً اتطبقت صح ، لكن كمان مؤمنة جدا ً #بصعوبة_التطبيق !
ان البنى آدم يسامح أو يغفر شئ مش سهل أبداً و مش بكلمة بيقولها و القلب مش مسامح لسه
متبقوش مثاليين المثالية بتقتل صاحبها أولاً … متجوش على نفسكم عشان تطبقوا مبدأ ممكن يتعبكوا انتم أول ناس
متقولش مسامح و تشيل من على #المخطئ https://static.xx.fbcdn.net/images/e...5/16/1f615.png حمل الخطأ فميحاولش يصلح أو يرضيك
وترجع انت تكون شايل فى نفسك…
ماتسامحش و انت عارف ان اللى قدامك مش هيقدر و هيعيد و يزيد فى غلطه و يبقى ضامن انه مهما عمل مابداله هيلاقى اللى يسامحه…
ماتسامحش طالما عدم المسامحة ممكن يبقى درس يعلم المخطئ انه يحافظ بعد كده على حقوق غيره…
ماتسامحش طول مافى فى قلبك غصة … طول ما أنت من جواك مش قادر تسامح

حتى لو اللسان سامح القلب مابيسامحش أبداً و حتى لو القلب حاول يسامح فربنا عالم
ومابيسيبش… وحتي لو #الظالم_تاب ربنا بيسامح في حقه بس مش بيسامح في حق المظلومين
.........
ربنا يبصرنا و ينورنا… ربنا يرزقنا ويقوينا اننا نسامح بجد
ربنا يكفينا شر المذلة أو اننا نذل غيرنا و يكفينا شر اننا نتظلم أو نظلم غيرنا
ربنا يرزقنا السلام…
أو شئ من السلام https://static.xx.fbcdn.net/images/e...5/16/1f64f.png https://static.xx.fbcdn.net/images/e...5/16/1f64f.png