منتدى الفرح المسيحى - الصمت المحرر

https://upload.chjoy.com/uploads/163030872033971.jpg

في التربية الحديثة بيقولوا إن لما الطفل/ الطفلة يغلط
بلاش تعنفه وتوبخه، لكن إتكلم معاه بهدوء 👨‍👦
عشان هو اللي يقول من جواه هو غلط في إيه ويعترف به ويفهم تبعياته

جيت بصيت علي يسوع في موقف المرأة الممسكة في ذات الفعل 😳
أب في مكانه ممكن ينهار ويزعق ويقلب الدنيا
ويجيب البنت من شعرها ويحبس الي عملوا كده فيها 😡

لكن يسوع صمت خالص .. ودي كانت فرصة للكل إنهم يفكروا
كل واحد يفكر في خطأه الشخصي بدون ما يبص علي غيره ويدينه 🤔

وهنا نسمع كلمات يسوع الوحيدة جوه المشهد ده
«وَلاَ أَنَا أَدِينُكِ. اذْهَبِي وَلاَ تُخْطِئِي أَيْضًا» 👸

وبكده بيعلمنا يسوع انه في المواقف المشتعلة الحل الأمثل هو إننا نهدا ونصمت 😇
لأن دي فرصة لله إنه يتكلم في قلبنا وفي قلب اللي معانا في الموقف 🤲❤️