منتدى الفرح المسيحى - سايبلك قلبى وعقلى

https://upload.chjoy.com/uploads/162987852520921.jpg

يارب انت عودتنى
انى أقف قدامك
من غير خوف
مهما كنت مزعلك
عودتنى انى اجيلك وارتمى فى حضنك السماوى
واحكى كل اللى عندى
لو اخطيت بقولك ما بخافش. واقولك سامحنى
ولو اتذمرت عليك
بقولك يارب ساعدنى اشوف نعمك عليا
لو حد زعلنى أو اذانى نفسيا أو ظلمنى
بحط اسمه قدامك وبقولك اتصرف فى اللى زعلنى

وانا يارب جايلك النهاردة
وانا مش عارف انا مظلوم ولا أنا ظالم
أنا اللى عندى الحق
ولا أنا اللى بقيت مؤذى
أنا اللى مشاعرى اتهانت
ولا أنا اللى بقيت بستهين بالمشاعر

يارب أنا هاسيبلك قلبى
تتعامل معاه
وها سيبلك عقلى
تتفاهم معاه
مش يارب اللى قلت

تَوَكَّلْ عَلَى الرَّبِّ بِكُلِّ قَلْبِكَ، وَعَلَى فَهْمِكَ لاَ تَعْتَمِدْ." (أم 3: 5).

انا سايبلك قلبى وعقلى
ومش هاعتمد غير عليك انت يا رب