منتدى الفرح المسيحى - نشكر ربنا على كل حال دائما و ابدا

https://upload.chjoy.com/uploads/162969422700631.jpg

واحده ربنا حارمها من الخلفه سمعت سبوع جارتها فسرحت وقعدت تتخيل انها الأم وشايله ابنها وبتقول يا بختها وياريتني مكانها .. 😕
و فى نفس اللحظه تتصل مامتها بيها تقولها :
عامله ايه ياحبيبتي .. قلبي واكلني عليكي انتي كويسه ؟
جوزك مزعللك ؟
اعملي حسابك انا جبتلك أكلة السمك اللي بتحبيه
وهنيجي ناكله سواا انا واخواتك ، فتبتسم وتمسح دموعها
و تحمد ربنا وتقول نشكر ربنا على كل حال ❤❤
فى نفس الوقت جارتها ف السبوع شايله ابنها وسط صحباتها و عيلة جوزها
وسرحت ف ( امها وابوها ربنا يرحمهم ) كان نفسهم يشيلوا عيال بنتهم 😔
فتبص فى وش ابنها الرضيع وتدمع عيونها وتقول نشكر ربنا على كل حال ❤❤
خليكوا عارفين ان كل شخص واخد حقه في الدنيا دي بشكل عادل ....
فيه اللي واخده مال
وفيه اللي واخده ابناء
وفيه اللي واخده صحه
وفيه اللي واخده ( أم ) لسه صوتها مبارك البيت ❤
وفيه اللي واخده ( أب ) سند ليه في عز محنته 😊
وفيه اللى واخده ( ابن بار )
و فيه اللى واخده ( زوج حنين )
و فيه اللى واخده ( سعاده و قناعه وراحة بال )
اشكرو ربنا على اللي انتم فيه يزيدكم نعمه 👐 ربنا مبينساش حد ابدا و له حكمه فى كل حاجه بتحصلنا
وخلو عندكو يقين انها بتكون خير لينا مهما كانت .....
و بلاش تبصوا فى حياة حد .. يمكن انت شايف ان ربنا مديه حاجه معينه بس مش عارف ده وراه مسؤليات ايه ولا ربنا حارمه من ايه ، محدش بياخد كل النعم كامله بأمانه ،
اشكر ربنا على اللى انت فيه علشان يزيدك و متبصش فى حياة حد ابدا هتعيش مرتاح 👌
نشكر ربنا على كل حال دائما و ابدا ❤