منتدى الفرح المسيحى - الزواج والرهبنة في فكر الشاب المسيحي

| كيف أعرف خطة الله في خلاصي نفسي هل هي عن طريق الزواج أم الرهبنة
------------

انا زيك في نفس الحيرة ونفسي حد يرد علي انا مقلتش لاب اعترافي عن الحيرة دية لكن الحاجة الي انا بعملها هي اني براقب نفسي واشوف الحاجات اللي انا بعملها دبة تنفع تكون افعال لراهب ولا لأ والمراقبة دية بتكون في كل حاجة واتفة حاجة وبحاول انمي جواية فكر الرهبنة باني اتعامل مع رهبان .علي العموم ارادة ربنا في حياة الانسان تعرفها بانك تسلم مستقبلك في ايد ربنا وهو هيدبر الصالح بس كمان احب اقولك شوف انت بترتاح في اية سيرة الزواج ولا سيرة الرهبنة شوف اشتياق قلبك اية ومتحاولش تعمل حاجة انت ماتقدرش عليها يعني ماتحولش تترهبن وانت ماتقدرش علي الرهبنة وتكون النتيجة انك ما تحافظ علي طهارة اللبس الملائكي اللي انت هتلبسة في الرهبنةاو تتزوج وانت ماتقدرش تعيش جوة العالم والنتيجة هتكون ظلمك الانسانة وذنبها هيكون في رقبتك انت .حاول تكون صريح مع اب اعترافك وتقولة كل اللي انت حاسس بية وكل ما يبقي فية جديد تقولة علية بدون ما تحتفظ بحاجة لنفسك لان الذين بلا مرشد يسقطون مثل اوراق الخريف وطبعا الصلاة هي نجاة كل حيران وخلاص كل خاطئ وترس كل مؤمن ونار لكل شيطان .ماتنساش تصلي قوي وحاول بقدر الامكان في الفترة اللي انت حيران فيها وبتفكر ولسة ربنا ماوضحش طريقك عيش عيشة الرهبان بكل ما فيها اصوامهم وصلواتهم ونسكهم واتضاعهم كل حاجة صدقني هتحس انك بتعيش اجمل فترات حياتك وحتي لو ربنا ما ارادش بالرهبنة هتلاقي صفات كتيرة من الرهبان جواك وساعتها هتكون متزوج صحيح بس عايش بطهارة الرهبان .وعلي فكره زى ما الرهبنة مقدسة كمان الزواج شركة مقدسة بتحل فيها الروح