منتدى الفرح المسيحى - اشتري سلامك بقلة كلامك

https://upload.chjoy.com/uploads/162863529966461.jpg

فيه ناس كده تقعد تناقشك و تجادلك و تسألك عن رأيك ،
و هي جواها مقررة ح تعمل ايه من الاول.

و تبقي المناقشة جرجرة لانتزاع موافقتك ..
او تبقي مناقشة لإثبات وجهة نظرهم و تأكيد خطأ رأيك ..

لو المناقشة علشان نسمع و نفهم و نتفاهم و نقبل تبقي مكسب مشترك..

لكن بلاها مناقشة مع واحد جاي و مبرمج عقله انه صح ،
و انك لازم يا تقوله حاضر و تسقف له ، يا يقلب القعدة خناق و شقاق و سوء اخلاق..

اللي جاي يسمعك و يستشيرك و يسمعك يستاهل الوقت و الجهد و التعب ..

لكن اللي جاي ياخد منك ختم الموافقة علي رأيه مهما كان ، بلاش منه و من مناقشته ..

لما رأيك يبقي مش مطلوب ابقي اشتري سلامك بقلة كلامك