منتدى الفرح المسيحى - معاملات الله زي كوباية ميه ساقعة في شهر اغسطس

https://upload.chjoy.com/uploads/162861511795321.jpg

كام مرة حسيتي بالإحباط؟😥
الإحباط ببساطة إنه لما يكون نِفسِك في حاجة
ومش عارفة توصلي ليها بتلاقي شعور جواكي بالحسرة وخيبة الأمل عشان لم يتم إشباع الرغبة دي.💔
وده بيحصل جوانا كتير برغم إن الرغبات
دي ممكن تكون مشروعة وحلوة وهتسعدك حقيقي..🥰
الإحباط ممكن يكون على المستوى المهني
زي لما تكوني شاطرة في شغلك ومستنية ترقية وتتظلمي ومتجيش الترقية دي ليكي 😟في الوقت ده بتحسي مش بس بظلم ضياع حقك لكن بخيبة أمل وحسرة😔
الإحباط على مستوى الأسرة والبيت هو أتقل أنواع الإحباط لأن بيكون جواكي عشم إنك تتشافي ويتحس بيكي بس مبيحصلش.😐
الإحباط الروحي كمان بيوجع قوي...
لما بتبقي عايزة تمشي سكة ربنا صح ومتبعديش عن طريقه وبرضه تحسي إن ربنا لسة مش راضي عنك ولا واصلك قد إيه إنتي محبوبة ومقبولة.😔

الإحباط يمكن ميموتش لكن بيسرق الفرح...
يخليكي ماشية في الحياة زي المكنة شغالة وبتأدي لكن مش سعيدة.🥺

صلاتي ليا وليكي في وقت الإحباطات إن ربنا سبحانه يبعت حاجة تطبطب على قلبك وتراضيكي... زي كوباية ميه ساقعة ترويكي في حر أغسطس.🙏