منتدى الفرح المسيحى - خلي مناخيرك في حالك مش عند غيرك

https://upload.chjoy.com/uploads/162797827103931.jpg

لما تلاقي حد دخل كلية معينة متسألوش "ليه.. هو أنت جبت كم؟"
لما تعزي في حد متسألش أهله "مات ازاي؟"
لما تلاقي حد خس من وزنه كتير متسألوش "عملية ولا عادي؟"
لما تشوف حد الدنيا شَحورته.. متسألوش "إيه عم عم واحشني انت اختفيت فين؟"
لما تلاقي حد اشترى عربية جديدة.. ما تسألوش "كاش ولا قسط؟"
لما تبارك لصاحبك على شغله الجديد.. ما تسألوش "اتفقوا معاك على المرتب كم؟"
لما صاحبتك تتخطب.. ما تسأليهاش "الشبكة بكم؟"

لما تعوز تِفرح لحد.. تعزي حد.. تشارك حد.. تساعد حد.. تبارك لحد.. إعمل كل المشاعر النبيلة دي بقلبك.. إسأل عليهم وانت سايب مناخيرك في حالك مش عند غيرك
ماحدش يخصه ظروف حياتك وانت مايخصكش ظروف حياة غيرك