منتدى الفرح المسيحى - لا عرافة ولا عيافة علي يعقوب

https://upload.chjoy.com/uploads/162774472063421.jpg

في مشهد سينمائي يقف واحد على قمة جبل
عشان يلعن شعب ربنا ويقول عليه كلام شر!👿
كان واحد تاني مستأجره ودفعله فلوس أجره عشان
يقول الكلام ده ويقول شر ولعنة على شعب الرب..
الحقيقة ناس كتير بتقول أنه كان "ساحر" 👺
يعني واحد "ملك وثني" دافع لساحر فلوس
عشان يلعن شعب الرب ويعمله تعويذة توقفه وتعطله وتأذيه!☹️

وفي كل مرة يحاول تفشل التعويذة وتتحول لبركة بدل اللعنة!!😍
ممكن تراجع القصة في سفر العدد أصحاح 23

وفي مرة منهم يقول بلعام بنفسه الكلمات دي: إنَّهُ ليس عيافَةٌ علَى يعقوبَ، ولا عِرافَةٌ علَى إسرائيلَ. في الوقتِ يُقالُ عن يعقوبَ وعَنْ إسرائيلَ ما فعَلَ اللهُ.
يعني مفيش سحر على أبني😇..
مفيش قوة تانية تقدر تغير اللي عايزه أنا الرب ليه 😍..
اللي يتقال عليه واللي يحصله هو اللي عايزه الرب بس 😇..
صديقي ابن الرب والتابع ليه مفيش سحر ولا شر ولا عمل يقدر يتسلط عليك😇..
كرر الكلمات دي وأعلنها عليك وعلى بيتك وعلى كل ما ليك👊