![]() |
ظلمته
https://upload.chjoy.com/uploads/162772957558621.jpg في لحظة جفا بنزعل من ناس، و في لحظة صفا بنكتشف اننا كنا ظالمينهم .. ظلمت مراتك و تقلت عليها ؟؟ أوامر علي تسلط علي طلبات ما بتخلصش، و لما بس صعب عليها منك ثرت و غضبت و اهنت .. مش ده برضه ظلم ؟؟ و انتي كمان صوتك علي و عصبيتك زادت و حبة كلمات علي آهات علي إهانات علي تريقة .. و لما بس عاتبك "فرشتي له الملاية " ، و بهدلتي كرامته .. مش كده تبقي ظالمة ؟؟ و بنتك او ابنك مش ياما زعقت له و اهنته و قللت منه و كسرته و اتجبرت عليه و دست علي حريته .. مش ده كمان ظلم ؟؟ و اهلك و ناسك و اصحابك و معارفك مش ياما تجاهلتهم و عايرتهم و تجاهلتهم و يمكن جيت علي حقوقهم .. مش برضه تبقي ظلمتهم.. قبل ما تطلب من ربنا انه يرد عنك اي ظلم في حياتك، راجع الظلم اللي عملته في حياة اللي حواليك ، و انصفهم و رجع لهم حقوقهم و كرامتهم.. تمام الكلام ؟؟ |
رد: ظلمته
رووووووووووعة ربنا يفرح قلبك |
رد: ظلمته
ميرسى على مرورك الغالى :) |
الساعة الآن 03:21 PM |
Powered by vBulletin® Copyright ©2000 - 2025