منتدى الفرح المسيحى

سيده مصريه تتبني قط ضرير من الشارع بعد استنجاده بها بتحكي انه بمجرد ما حس بيها بتلمسه جري عليها كأنه بيترجاها انها تساعده وبيتحرك بطريقه مش مصدق ان حد هيساعده كان وقتها في الشارع اعمي مش شايف وعينه كلها بتنزف وجسمه كل جروح من كتر الخبطات اللي بيخبطها وعنده جفاف شديد جدا وده اكيد من انه مش شايف ومش عارف ياكل ولا يشرب من فتره هي مقدرتش تسيبه وخدته معاه وراحت بيه للعياده وبدء رحله علاجه وفضل اول اسبوع نايم كأنه منامش من سنين وبعدها بدء يستكشف المكان وياكل ويلعب اكتر حاجه بيعملها انه من فرحته ان حد ساعده بقي يمشي ورا صوتها في كل مكان وبليل بينام جنبها ولازم تكون لامساه عشان ينام.. كل ده عشان خايف تسيبه تاني ويرجع لعذابه هو ما صدق لقي حد يرحمه ويرحم ضعفه وانه مش بيقدر يشوف مساعدتها له غيرت العالم بتاعه وثوابها عند ربنا عظيم

دورك انت كمان انك تساعد وتخلي ليك دور بالخير، ساعد مخلوق ممكن تكون انت اخر امل ليه للحياه 🙏

#ارحم_ترحم
شارك الانسانيه وكن سفيرا لها ❤️