منتدى الفرح المسيحى - 4 امور نتعامل معاها بحذر في تميز مشيئه الله

https://upload.chjoy.com/uploads/162704968151461.jpg

دي أربع أمور مهمة واحنا بنتحرك في مشيئة الله
لكن محتاجين ناخد حذرنا ومنتكلش عليهم للآخر:
1) قوة المنطق العقلي. 👌
ربنا خلق لنا عقل نستخدمه ونعرف بيه مشيئته،
لكن العقل مش كل حاجة، عقولنا محدودة وقدراتها ضعيفة
وسهل تضليلها، علشان كده محتاجين حاجات تانية معاها.

2) ضغط الظروف والواقع. 🤢😡
أحيانا كتير صوت الله ومشيئته لينا إننا نستحمل واقع صعب
وظروف قاسية ونمشي عكس التيار في التعامل معاها.

3) جاذبية الراحة والسهولة. 😴🥱
كتير الصح ومشيئة الله لينا مبتكونش حلول مريحة ولا سهلة
ودا عكس طبيعتنا الى بتحب الرحرحة والسهولة،
فمش كل أمر مريح لينا هو من ربنا.

4) تأثير الأغلبية. 👩‍👩‍👧‍👦
رأي الأغلبية في قضية معينة كتير بيخلينا نستسهل
ومنهتمش نعرف رأي ربنا نفسه
ومش دايما رأي الأغلبية بيكون صح.