منتدى الفرح المسيحى - رسالة بدون كلام

https://upload.chjoy.com/uploads/162704284756991.jpg

الله بيتكلم.. وبيحب يتكلم 😍
وأسهل وأقرب طريقة بيكلمنا بيها عن نفسه هي خليقته.
قال كدا داود النبي زمان:
"إن السموات والفلك بيخبروا عن الله وعن مجده وجلاله
من غير ما يتكلموا ولا حد بيسمع صوتهم"،
فعظمة واتساع وتعقيد الخليقة بيعكس لينا قدرة
وجلال ومجد وعظمة الله.
عايز تعرف أو تسمع الله؟!
خصص وقت تتأمل فيه في خليقته،
في الشجر وفي السماء المُبهجة بطيورها الجميلة، في الحيوانات،
وفي أعظم خليقته وهو الإنسان.. اللي الله أبدع فيه جدًا.
أشجعك تبدأ تستقبل رسايل من الله
وعن الله من الطبيعة والخليقة المُبدعة اللي حواليك. 😍