منتدى الفرح المسيحى - همسه .. يا مايك

همسه .. يا مايك ..

ياما وقفنا قدامك من غير ما نقف قدام العالي .. صوت حياتنا عمال يوطى و يضيع .. مفضلش منا غير حنجره صوتها عالي ..

نوعظ عن الغفران وننزل نخاصم و نقطع بعض .. نعلم عن الزهد وندخل محاكم على مترين أرض .. ننفخ فيك والصوت يجلجل ايشي موسيقى وايشي وعظ و الحان ..

والسيد في حياتنا مش سيد .. صار المعنى فارغ.. والازدواجيه ربان .. يا رب الخلق و الناس .. فرغنا من كل كلام تحول و تشبع كلامنا إحساس ..
الناس شبعت شعارات و فحم .. الناس عايز كلام من عندك .. كلام لا يتقل بالدهب ولا يساويه الماس .. !!